ILOILO CITY – Indi luyag pangunahan sang bag-o nga OIC sang Iloilo City Police Office (ICPO) nga si C/Insp. Jovie Espenido, ang mahimo matabo karon nga nakapuwesto na ini sa Iloilo.
Sa interview sang Bombo Radyo Iloilo, ginpahayag ni Espenido nga bantayan na lang kun ano ang matabo, apang si Iloilo City Mayor Jed Patrick Mabilog ang nakahibalo kun dapat ini mahadlok.
Suno kay Espenido, sikreto anay ang instruction sa iya ni Presidente Rodrigo Duterte kag kun may ginhatag nga pangalan ang commander-in-chief nga posible mangin target.
Mangin target lang man ang alkalde suno kay Espenido kun nagahimo ini sang malain pero sa karon wala pa ini sang target nga drug personalities.
Panugyan sini kag Mabilog nga indi magkahadlok sa mga otoridad.
Apang ginpanugyanan sini ang alkalde nga magpangamuyo para sa kalinungan sang siyudad kag divine intervention.
Ginpahayag ni Espenido nga ginakalipay niya ang mainit nga pagbaton sa iya ni Mabilog kag handa siya maatubang ang alkalde.
Apelar naman ni Espenido sa mga Ilonggo nga magpakatawhay, magbuligay kag magpangamuyo.
Special request naman ni Chief Insp. Espenido nga pag-abot sini sa Iloilo, handaan siya sang balunggay, okra kag tangkong bangud nga isa siya ka vegetarian.