Ginkilala sang Senado ang undefeated Filipino boxing star nga si Eumir Marcial kasunod sang iya ikaapat nga consecutive professional middleweight bout sa Alamodome sa San Antonio, Texas, USA sang Pebrero.
Sa plenary session subong nga Lunes, nag-adoptar ang upper chamber sang Senate Resolution Nos. 494 kag 256 nga nagapanginbulahan sa Zamboanga native nga may yara na subong sang matinlo nga rekord nga 4-0 kag 2 ka knockouts.
Nangin 2020 Tokyo Olympics bronze medalist anay si Marcial kag isa man ka sergeant sang Philippine Air Force.
Sang 2021, nahatagan man siya sang Philippine Senate Medal of Excellence bangud sa amo nga kadalag-an sa men’s middleweight boxing division sa Olympiada sa Japan.
