Marcoleta, may arrest warrant na? PNP, nagbalibad nga magkumpirma ukon mag-deny

Nagpamalibad ang Philippine National Police (PNPp) nga magkumpirma kun may warrant of arrest na batok kay Senator Rodante Marcoleta.

Ini matapos nagguwa ang alegasyon halin mismo sa senador sang Byernes nga nabalitaan na sini nga may ipaguwa nga arrest warrant batok sa iya kaangot sa kaso nga plunder kag indirect bribery.

Nag-ugat ini nga mga kaso sa non-disclosure sang campaign funds nga halin kay former Quezon City Rep. Mike Defensor kag mga negosyante nga sanday Joseph Espiritu kag Aristotle Viray.

Ginpahayag sang senador nga pananglitan arestuhon siya, maga-upod siya kag indi magbato sa arresting officer.

“Nabalitaan ko na. Nabalitaan ko na, kaya nga ako nagpapahayag ngayon. Kung saka-sakali pong ituloy nila ang pag-aresto sa akin, ako po ay sasama sa kanila peacefully. Ibig sabihin, I will not resist. Sapagkat tungkulin po yun ng arresting officer. Alam ko naman po yung tuntunin kung paano ka aarestuhin. Eh talagang ganyan,” pahayag sini sa isa ka interview sang nagligad nga semana.

Nagapanindugan man ini nga ang mga kaso batok sa iya ang nagatuyo lamang nga pahipuson siya.

“Ako naman ay dahil sa ginawa kong pakikipaglaban tungkol sa katwiran at sa umiiral na batas, kung ito ang magiging kabayaran ng pagtatanggol ko sa ating bansa, sa ating mga kababayan, eh nasa kanila po yun. Wala akong alam na aking nilabag na batas. Yung pong kanilang mga asunto ay puro imbento yun,” dugang niya.

Matandaan nga sang Hunyo 16 sang gab-i, nagpaguwa man si Marcoleta sang video message nga nagasiling nga padayunon sini nga ibulgar ang mga indibidwal nga ginaalegar involved sa flood control scandal apisar nga arestuhon siya kag presuhon. Ang nauna nga video ni Marcoleta ang gin-isyu matapos ang presscon sang 18 ka ex-bagmen ni Zaldy Co nga gintipon ni Defensor.

Suno naman sa PNP, indi sila makakumpirma ukon maka-deny kun may arrest warrant batok sa sin-o man nga indibidwal.

Gin-athag sang pulis nga ang pagpawa sang warrant of arrest ang yara sa exclusive jurisdiction sang korte kag indi nagakaangay nga ang PNP amo ang magasapubliko sini nga impormasyon.

Ginpasalig sang PNP nga handa sila sa pagpatuman kag pag-execute sang ano man nga warrant nga gin-isyu sang korte paagi sa husto nga legal channels kag sunod sa nakabutang sa layi.

Una naman nga ginpahayag ni Interior Secretary Jonvic Remulla nga dapat anay may mapasaka nga kaso antes maggwa ang arrest warrant: “For a warrant to occur, a charge must be filed against him at the Sandiganbayan. I know of no such charges being filed.”

Sang Mayo, ginrekomendar sang Field Investigation Bureau sang Ombudsman ang pagpasaka sang kaso nga plunder kag bribery batok kay Marcoleta bangud sang ginaalegar pagbaton sang P75-million nga campaign donations sang nagligad nga tuig.

Sandig sa complaint-affidavit nga pirmado sang Mayo 18, ginaduso sang investigators nga ma-indict si Marcoleta sa kaso nga plunder kaupod kay Defensor kag duha ka iban pa.

Luyag man sang investigators nga ma-indict ang senador bangud sa indirect bribery.#