Ginpaathag sang isa ka opisyal sang Department of Agriculture (DA) nga nagakinahanglan nga magpain ang masunod nga administrasyon sang P30 billion to P40 billion agud nga ma-address ang ginapanan-aw nga kakulangan sa suplay sang bugas sa pungsod sa masunod nga mga binulan nga mahimo dal-on sa nagasaka nga presyo sang abono.
Suno kay DA Undersecretary Fermin Adriano, indi dapat pagbuyan-buyanan lang ang paandam ni Agriculture Secretary William Dar nga posible maigu sang food crisis ang Pilipinas.
Una na nga ginpahayag ni Dar nga posible matabo ang food crisis sa second semester sang 2022 nga posible matuga sang coronavirus pandemic sa ekonomiya, nagasaka nga presyo sang gatong, kag pagpang-atake sang Russia sa Ukraine.
Suno naman kay Adriano, kun subong pa lang indi mahatagan sang ayuda ang mga mangunguma, mamuroblema gid ang Pilipinas sa suplay sang bugas.
Posible suno kay Adriano nga may pagnubo nga 1.1 million metric tons sa palay ukon paddy rice output.
Agud malikawan sini, kinahanglan ang P30 billion to P40 billion nga pondo. Ginaduso naman sang DA ang production sang dugang nga binhi agud nga ihatag sang libre sa mga mangunguma. ##
