Ginpabugal ni President Ferdinand ”Bongbong” Marcos, Jr. nga naglab-ot na ang balor sang strategic investments sa masobra P4.6 trillion (as of February 2025).
Suno sa presidente kadungan sang iya speech sa Gawad Bayanihan sa Pamumuhunan Milestone Event sa Malacañang, malapit sa 190 strategic investments ang naaprubahan sang gobyerno sa nagkalain-lain nga sektor.
Lakip diri suno sa iya ang renewable energy, digital infrastructure, food security, kag manufacturing.
Ginmensyonar man sini nga target sang iya administrasyon nga makahimo sang business landscape kun sa diin mahimo mag-umwad pareho ang local kag foreign investors.
”Our journey towards progress will continue to be built on a strong and agile partnership between the government and the private sector,” pahayag sini.
”Therefore, it is only fitting that we recognize the members of the Investments Facilitation Network, our national government agencies, and, of course, our LGUs, whose steadfast commitment to this cause has made the Philippines a more attractive investment destination,” dugang sang chief executive.
Suno pa sa presidente, paagi sa sini nga investments, may mahatag nga ginabanta 300,000 ka mga trabaho sa Pilipinas.
“What do these reforms truly mean for our people? Jobs and service. This investment is expected to generate nearly 300,000 jobs for our fellow citizens. These are not just jobs but meaningful opportunities for a better and more comfortable life,” pahayag pa sini.
Ang gintambungan nga event ni Marcos amo man ang nagamarka sang una nga tuig sang implementasyon sang nationwide ease of doing business initiative.
