Gindeklarar sang Malacañang ang Abril 1 bilang regular holiday sa bilog nga Pilipinas kadungan sang obserbasyon sang Eid’l Fitr ukon ang selebrasyon sang mga Muslim sa pagtakop sang Ramadan.
Nakasaad ini sa Proclamation No. 839 nga pirmado ni President Ferdinand Marcos, Jr. kasunod sang rekomendasyon sang National Commission on Muslim Filipinos.
“In order to bring the religious and cultural significance of the Eid’l Fitr to the fore of national consciousness, and to allow the entire Filipino nation to join their Muslim brothers and sisters in peace and harmony in the observance and celebration of Eid’l Fitr, it is necessary to declare 01 April 2025, Tuesday, a regular holiday throughout the country,” kabahin sang proklamasyon.
Isa ang Eid’l Fitr sa duha ka mga importante nga selebrasyon sa Islam. Ginaselebrar ini sang Muslim community tatlo ka adlaw matapos ang isa ka bulan nga Ramadan fasting.
Ang isa pa ka importante nga selebrasyon amo ang Eid al-Adha ukon ang Feast of the Sacrifice.
Nahibaluan nga sais porsyento sang populasyon sang Pilipinas ang ginabug-usan sang Muslim Filipinos.
(PNA photo by Joan Bondoc)
