Indi magpahilabot si President Ferdinand “Bongbong” Marcos Jr. kun may panibag-o nga impeachment complaint nga ipasaka batok kay Vice President Sara Duterte.
Suno kay Palace Press Officer Claire Castro, wala nagapatunga ang Malacañang sa sini nga bagay bangud natuon ini sa hurisdiksyon sang Kongreso.
Apang suno kay Castro, ginasulit sang Palasyo ang panindugan nga luyag sang presidente nga manabat kun sin-o ang dapat nga manabat.
“Hindi magkakaroon ng pagkakaisa kung may naiiwang isyung dapat sagutin. Sa ngayon, muli, hindi po sakop ng Pangulo kung sinuman po ang magsasampa ng impeachment complaint laban sa Bise Presidente,” suno sa iya.
Ini nga reaksyon ang kasunod sang pahayag sang Makabayan bloc nga handa sila nga mag-endorso sang bag-o nga impeachment bid batok kay Dutete kun mag-expire na ang one-year ban sang Korte Suprema sa Pebrero.
Sang Disyembre 2024, apat ka impeachment complaints ang gin-file batok sa vice president.
Masobra sa 200 ka mga kongresista ang nag-endorso sang ikaapat nga complaint rason nga na-impeach si Sara sa Kamara.
Nagdesisyon naman ang Senado nga unconstitutional ang amo nga impeachment complaint, samtang nagboto naman ang Senado, 19-4 kag isa ka abstenstion, agud nga i-archive ang impeachment articles.
