Magabyahe si President Ferdinand Marcos, Jr. sa United Arab Emirates para sa isa ka adlaw nga working visit sa masunod nga semana.
Suno kay Presidential Communications Undersecretary Claire Castro, magabiya si Marcos sa Pilipinas sa Enero 12 para nga magtambong sa Abu Dhabi Sustainability Week.
Maga-upod man sa amo nga pagtilipon ang iban nga heads of state and government agud nga madiskusyunan ang mga isyu nga naangot sa enerhiya, tubig, pinansyal, pagkaon, kag dunang manggad.
Ang pagbisita ni Marcos ang kasunod sang imbitasyon nagikan kay UAE President Sheikh Mohamed bin Zayed Al Nahyan.
Magluwas sa mismo agenda sa Abu Dhabi Sustainability Week, saksihan man ni Marcos ang pagpirma sang duha ka importante nga kasugtanan sa tunga sang Pilipinas kag UAE.
Ino amo ang Comprehensive Economic Partnership Agreement ukon ang CEPA kag ang memorandum of understanding on defense cooperation.
Ang CEPA amo ang una nga free trade agreement sang Pilipinas sa isa ka Middle Eastern country sa tuyo nga mapasangkad pa ang market access sa rehiyon.
Sa pihak nga bahin, ang pirmahan naman nga defense cooperation deal amo ang magaserbe nga pulido nga pundasyon para sa kooperasyon sa tunga sang duha ka pungsod pag-abot sa defense technologies.
