Pangitaan sang paagi sang gobyerno sang Pilipinas nga ma-impluwensyahan ang polisa sang Estados Unidos sang Amerika ilabi na sa isyu sang immigration.
Ginpahayag ini ni President Ferdinand Marcos Jr. kadungan sang iya pagkumpirma sang iya nga meeting kay US President Donald Trump.
Base sa Presidential Communications Office (PCO), wala pa subong sang petsa kun san-o ang scheduled meeting.
Lakip sa ginaplano sini nga istoryahan sa ila pagkit-anay amo ang isyu sa foreign assistance, trade, defense kag security, kag bag-o nga polisa sa immigration samtang nga padayon subong ang mass deportation sa amo nga pungsod kun sa diin ginatawag ang undocumented migrants bilang “criminal aliens.”
“I will meet with President Trump because I should. Because there’s much that we need to discuss between the US and the Philippines in terms of trade, in terms of defense and security, and now the new policy on immigration,” suno kay Marcos.
Una na nga nagpahayag ang Department of Foreign Affairs (DFA) nga imposible man nga ma-deport ang 300,000 Filipinos nga wala sang legal status sa US antes magtakop ang Trump administration.
Base sa nauna nga Trump administration, ginatos lamang ka undocumented nga mga Pinoy suno sa ahensya ang na-deport pabalik diri sa Pilipinas.
Indi naman makakomento si Marcos sa temporary suspension sang foreign assistance halin sa US bangud indi pa maathag suno sa iya kun ano ang polisa, ano ang maapektuhan, kag ano ang buhinan nga aid funds.
“It’s very unclear what it is. It’s even the agencies in the US government, hindi nila naintindihan what it means – ano ‘yung tatamaan, saan babawasan ang aid funds,” pahayag sang chief executive.
“Well, this is what happens. These are the growing pains of a new administration. But I’m sure, with time these policies will crystalize and will become clearer, by which time I will have a chance to visit with President Trump and we can discuss it with a better understanding of what the policies are,” dugang sini.
Sa mandu ni Trump, 90 ka adlaw ang foreign assistance suspension samtang pending ang pag-review sa efficiencies and consistency sa iya nga foreign policy.#
