Ginkumpirma sang Malacañang nga nagkitaay sanday President Ferdinand ‘Bongbong’ Marcos, Jr. kag mga kongresista sa palasyo.
Suno sa Presidential Communications Office (PCO), may ginpatigayon nga “fellowship” sa tunga sang presidente kag House members kag madugay na ini naka-schedule.
“The gathering is meant to be a fellowship between the Office of the President and members of the House of Representatives which was already scheduled some time ago,” suno sa PCO. “The event is for close in coverage only.”
Wala pa ginsapubliko sang palasyo kun pila gid ka mga mamalidha ang nagtambong sa amo nga meeting kag kun ano nga mga isyu ang ila nga gin-istoryahan.
Natabo ini nga meeting kadungan man sang mga impeachment complaint nga ginapangatubang ni Vice President Sara Duterte.
Sang Lunes kag kahapon, Miyerkules, gin-file sang progresibo nga mga grupo ang reklamo bangud sa mga basehan kaangay sang ginaalegar mga anomaliya sa paggamit ni Sara sang confidential funds sa OVP kag sa Department of Education.
