Ginpabilin ni President Ferdinand Marcos Jr. ang iya hands-off policy sa impeachment trial ni Vice President Sara Duterte.
Sa iya podcast, nagpahayag si Marcos nga ini nga proceedings ang yara na sa tunga sang Kamara kag Senado.
Ginpamangkot ang punong ehekutibo sa iya nga komento sa ginaalegar nga delay sa trial, apang suno kay Marcos, trabaho ini sang Kongreso; kag siya bilang presidente ang masako sa isyu sa transportasyon, bugas, kag iban pa nga mga problema sang pungsod.
“Lahat ng impeachment process nasa lehislatura ‘yan. It’s between the Congress (House of Representatives) and the Senate,” pahayag sini. “I’m busy with the transport, with the rice, all of the different things we are doing. Nauubos ang oras ko doon.”
Pahayag pa sini, wala man siya sang papel sa impeachment.
“Wala naman akong papel sa impeachment… If a president chooses to do that, I choose not to,” dugang sini sa podcast.
Pebrero sang gin-impeach si Sara sa Kamara bangud sa alegasyon sang kurapsyon kag bangud sa “kill order” sini batok kay Marcos, First Lady Liza Marcos, kag House Speaker Ferdinand Martin Romualdez.
May gin-cite naman nga technicalities sang yara na ini sa Senado, kag tubtub subong, wala na-umpisahan ang trial bisan nga ginpasumpa na ang senator-judges.
Una naman nga nagpanindugan si Marcos sa iya public statements nga indi niya luyag nga masipa sa posisyon ang second-highest official sang Pilipinas nga iya man anay running-mate sang 2022 elections.
