Ginpahanumdom ni President Ferdinand Marcos Jr. sa mga municipal mayors nga himuon gid nga prayoridad ang serbisyo-publiko bisan pa sa tunga sang away sa pulitika samtang nagahilapit ang 2025 midterm elections.
Sang Pebrero 11 nag-umpisa ang campaign period para sa mga senador kag sa party-lists, apang sa Marso 28 pa magasugod ang kampanya para sa magapadalagan sa local positions lakip na ang sa pagka-gobernador kag sa pagka-alkalde.
Sa general assembly sang League of Municipalities of the Philippines (LMP), ginpahayag ni Marcos nga ang rason kun ngaa nagapungko sa pwesto amo nga buligan ang mga tawo.
Bisan mainit ang away kag makahang ang mga tinaga nga nagakawas sa bibig, dapat dumdumon sang pulitiko suno kay Marcos nga ang puno kag punta sini tanan amo nga mabuligan ang mga Pilipino.
“Sa init ng kampanya, sa init ng halalan, huwag natin kakalimutan na tayo ay nandito, tayo ay pumasok sa serbisyo na publiko upang tulungan ang taumbayan,” pahayag sini. “Kahit na mainit na nga ang laban, maanghang na ang mga binibitawan na salita, sa puno’t dulo nito ginagawa natin lahat ito para makatulong sa ating minamahal na kapwa Pilipino.”
Naghaylo man ini sa local chief executives nga tapuson na ang garot kag tugutan ang kada partido nga magbulig sa nasyon kun matapos na ang eleksyon.
“Pagkatapos ng halalan, alam ko kung minsan napakahirap na magpalamig ng ulo ulit,” suno pa sa presidente. “Ngunit kailangan nating gawin yun dahil kailangan natin ang lahat na mga gustong tumulong na magkapit bisig upang magtulungan.”
Sang Martes, ginsuguran ang kampanya sang Alyansa Para sa Bagong Pilipinas senatorial slate sa Ilocos Norte kun sa diin ang chief executive mismo ang nagpanguna. Nagpalagtik pa ini sang istorya nga wala sang mga kandidato ang administrasyon nga naakusahan sang human rights violations sa idalom sang drug war kag wala man sang naakusahan sang corruption and negligence sang tion nga may pandemic. Si former President Rodrigo Duterte ang nagapungko sang tion nga may pandemya.
