Handa si President Ferdinand Marcos Jr. pananglitan may impeachment complaint nga ipasaka batok sa iya.
Suno kay Palace Press Officer Claire Castro, ginatahod sang presidente ang Constitution kag ang legal process.
Pahayag pa sini, wala sang ginkawat si Marcos sa kaban sang gobyerno. Ang presidente pa gani mismo suno sa iya ang nag-initiate nga ma-imbestigaran ang anomaliya sa flood control projects kag panglagson ang kurap nga mga indibidwal.
”Pero kung pag-uusapan po natin ay breach of public trust dahil nabanggit ito tungkol sa diumanong pagpirma sa GAA, ang Pangulo po, unang-una, hindi po siya nagnakaw ng pera. Pangalawa, siya po ang nagpapaimbestiga sa mga maanomalyang flood control projects at maaaring naging sanhi ng korapsiyon. Pangatlo, wala po siyang ‘Mary Grace Piattos,”’ suno kay Castro.
Ang ‘Mary Grace Piattos’ amo ang pangalan kag pirma nga nagtuhaw sa mga acknowledgement receipts sa confidential funds sang mga opisina ni Vice President Sara Duterte.
Matandaan nga sang Domingo sang ginsapubliko ni Senior House Deputy Minority Leader Rep. Edgar Erice nga nagaplano ang iban nga mga kongresista nga magpasaka sang impeachment complaint batok kay Marcos bangud sang “betrayal of public trust” kag iban pa nga grounds.
Sandig kay Erice, ang nagabalay sang impeachment complaint amo ang supporters ni Vice President Sara Duterte. Ginaalegar nga duha ka House members ang maga-endorse sini, samtang nagpamalibad naman si Erice suno sa iya sang ginpalapitan siya agud magtindog bilang ikatatlo nga endorser.#
