Nangayo sang bulig si Presidente Ferdinand Marcos Jr. sa mga local chief executives sa pagpakigbato batok sa kurapsyon.
Ginhimo niya ang panawagan sa oath-taking sang League of Cities of the Philippines (LCP) executive board kag sang League of Municipalities of the Philippines (LMP) national directorate.
Suno sa Presidente, wala sang lugar sa iya nga administrasyon ang kurapsyon. Pahayag sini, halin pa sang una niya nga adlaw sa serbisyo, mabaskug na ang iya kampanya batok sa kurapsyon.
Ginpabutyag niya nga ang maayo nga pagpangdumala sa isa ka lugar makita kag mabatyagan mismo sang mga pumuluyo adlaw-adlaw.
“Mga kasama kong mga lingkod-bayan, alam kong hindi madali ang trabaho sa lokal na pamahalaan. Marami ring hamon ang kinakaharap ng ating bansa. Lahat tayo dismayado sa mga ulat ng katiwalian na nakikita natin sa pamahalaan,” suno sa punong ehekutibo.
“Ngunit, malinaw ang ating adhikain. Sa Bagong Pilipinas, walang puwang ang korapsyon at ang pandaraya,” dugang sini.
Gin-abisuhan man sini ang mga opisyal nga busision sang maayo ang mga proyekto sang Department of Public Works and Highways (DPWH) nga ginahimo sa ila nga mga lugar.
Pahayag pa sang president: “We must take responsibility to eradicate this abhorrent culture of corruption that has poisoned the public trust and has robbed us of a better future.”#
