Marcos sa mga nagadali nga maghalin siya sa pwesto: ‘Wag muna kayo masyado ma-excite’

“Huwag muna kayo masyado ma-excite dahil it’s not a life-threatening condition.”

Ini ang mensahe ni President Ferdinand “Bongbong” Marcos Jr. sa iya mga kritiko nga nagadali nga maglayas na siya sa posisyon.

Ginpahayag ini sang presidente matapos siya nakaguwa sa ospital bangud sa paglain sang pamatyag nga sang ulihi nakumpirma nga diverticulitis.

“Wala, wag kayo magalala. The rumors of my death are highly exaggerated,” dugang pa sang punong-ehekutibo.

Suno kay Marcos, tuga sang stress kag pag-edad ang iya kondisyon, apang sa pangkabug-usan, maayo na ang iya nga pamatyag.

“I’m fine. I’m feeling very different from the way I felt before; the problem has been fixed. What happened is that I apparently have diverticulitis,” kabahin pa sang video statement. “It’s a common condition among, apparently, people who are heavily stressed and, I have to admit, growing older.”

Mabatian man si Palace Press Officer Claire Castro sa video nga nagasiling nga “overworked” si Marcos kag gina-abisuhan ini sang doktor nga magpahuway. Sabat sang presidente, indi man ini mahimo bangud madamo ang iya trabaho.

Nauna na nga ginpahayag sang Palasyo sang Malacañang nga nagpaligad sang gab-i sa ospital si Marcos sang Myerkules bilang precautionary measure sa “discomfort” nga iya nabatyagan.

“The president continues to carry out his responsibilities while under medical observation and has returned to Malacañang,” kabahin sang una nga pahayag ni Castro.#