Marcos sa Ninoy Aquino Day: ‘Acknowledge past in order to safeguard freedom’

Ginbalikan ni Presidente Ferdinand “Bongbong” Marcos Jr. ang legasiya ni former Senator Benigno “Ninoy” Aquino Jr. kadungan sang komemorasyon sang ika-43 nga anibersaryo sang iya kamatayon subong nga adlaw, Agusto 21.

Ini ang ikatatlo nga tuig nga may official message si Marcos para sa Ninoy Aquino Day kasunod sang iya mensahe nga ginpaguwa sa publiko sang 2023 kag 2025.

Suno kay Marcos, ang handumanan kay Aquino dapat magpahanumdom sa mga Pilipino nga magpabilin nga maisog sa pagpanindugan sa ila mga prinsipyo kag aktibo nga magbulig sa pagpabilin sang demokrasya sa pungsod.

“The memory of Ninoy Aquino reminds us of the courage of Filipinos to stand by their convictions and contribute to our nation’s democratic journey. Ninoy Aquino Day, therefore, invites us to acknowledge the past and draw from it the resolve needed to safeguard freedom, strengthen our institutions, and deepen national unity,” suno sa Presidente.

Pahayag sini, bisan nagbag-o na ang mga pagpanghangkat nga ginatubang sang demokrasya sa nagligad nga mga tuig, padayon gihapon ang responsibilidad sang mga Pilipino nga protektahan kag palig-unon ang mga demokratiko nga institusyon.

“The challenges facing our democracy may have changed over time, but our shared responsibility to reinforce it remains. Disinformation, division, distrust, and civic indifference underscore the importance of active engagement in our nation’s affairs. Ninoy’s legacy encourages us to meet these challenges with vigilance and faith in the Filipino people as we work together to deliver meaningful progress for all,” dugang sini sa iya nga official statement.

Ginpanawagan man ni Marcos ang mga Pilipino nga magpabilin nga aktibo sa mga nagakatabo sa pungsod kag indi magpabaya ukon mangin wala sing interes sa mga isyu nga may epekto sa ila kabuhi kag sa bilog nga pungsod.

Suno sa Presidente, ang halimbawa ni Aquino dapat maghatag inspirasyon sa mga Pilipino nga atubangon ang mga ini nga pagpanghangkat nga may pagbantay kag pagsalig sa ikasarang sang mga Pilipino.

Siling pa ni Marcos, ang kahilwayan may katumbas nga responsibilidad nga respetuhon ang dignidad kag mga kinamatarong sang iban kag magbulig para sa kaayuhan sang pungsod.

“This day reaffirms that freedom carries with it a collective duty to respect the dignity and rights of others and to contribute to the good of our nation. For its part, this administration will remain steadfast in protecting our sovereignty, upholding the rule of law, and ensuring that the liberty we cherish is matched by real opportunities for every Filipino,” dugang niya.

Gintapos sini ang iya statement paagi sa pagpanawagan sa mga Pilipino nga gamiton ang mga leksyon sang kasaysayan samtang nagapangabudlay para sa mas malinong kag mas mainuswagon nga Pilipinas.

“Together, let us carry forward the lessons of our history as we continue to nurture a more peaceful and prosperous Bagong Pilipinas. May we all have a solemn and purposeful remembrance,” suno pa kay Marcos.

Nahibaluan nga si Ninoy Aquino ang isa ka mabaskog nga kritiko sang anay Presidente Ferdinand Marcos Sr. nga amay ni President Bongbong Marcos. Ginpatay siya sang Agosto 21, 1983 pagkatapos niya makabalik sa Pilipinas halin sa pagtapok sa iya sa luwas sang pungsod.

Ang pagtiro-patay sa iya sa anay Manila International Airport amo ang isa sa pinaka-importante nga hitabo antes ang maragtason nga 1986 People Power Revolution.#