Nagpanawagan si President Ferdinand R. Marcos Jr. sa Philippine Army nga magpakita indi lamang sang kaisog kag kalam, kundi pati sang pagka-handa nga ipaiway ang kaugalingon nga mga interes para sa ikaayo sang pungsod.
Kabahin ini sang nangin mensahe sang Presidente sa 128th anniversary sang Philippine Army.
Kinahanglan suno kay Marcos nga may panindugan nga wala nagakalingkang sa tunga sang mga pagpahangkat; dapat nga may prinsipyo nga indi mabali sang kahadlok ukon kahangawa; kag dapat may tagipusuon nga handa magserbisyo sang tampad kag wala sang ginahulat nga kabaylo.
“Sa panahon ngayon, hindi sapat ang tapang at husay ng isang sundalo. Kinakailangan ang [paninindigang] hindi natitinag sa harap ng pagsubok, ang prinsipyong hindi nababaluktot ng takot o pangamba, at ang pusong laging handa maglingkod nang tapat at walang hinihintay na kapalit,” pahayag sang punong ehekutibo.
“Sa anumang institusyon, hindi sapat ang ranggo o kapangyarihan. Ang tunay na sukatan ay ang kahandaan na isantabi ang sariling interes para [sa] mas mataas na layunin. Bagama’t iba-iba tayo ng papel na ginagampanan, dapat mangibabaw ang ating adhikaing bumuo ng mas nagkakaisa, mas makatarungan, at tunay na mapayapang bansa,” dugang sang iya mensahe.
Pagpadayon pa sini: “As we mark the 128th founding anniversary, we are again reminded why we choose to serve. We do it not for ourselves, but also for the countless generations that will come after us.”
Ginpahangop man sang presidente nga dapat mangin ehemplo man ang gobyerno, magpamati, magserbe nga may integridad, kag magbangon sa tunga sang mga problema sa nasyon.
“When peace and order are in place, we can pursue knowledge, we can work towards prosperity, and we can contribute to our country’s progress,” dugang niya. “To achieve this, the government must lead by example. We strive for a government that listens, that acts and serves with integrity. That is the only way to rise above adversities and move forward as a people.”
Gin-deliver ini nga statement sa tunga sang mga kontrobersiya nga ginapangatubang sang pungsod kasunod sang pag-aresto kay former President Rodrigo Duterte sang Marso 11.
Sang amo nga tion, may nagguwa nga mga report nga may military resignations, apang ginbasura sang Armed Forces of the Philippines (AFP) ang amo nga mga rumor kag nagsiling nga wala sila sang nabaton nga report sang pag-resign sang mga soldado.
