Mas nagadaku ang tyansa nga maga-atubangay liwat sa eleksyon sanday Former Senator Ferdinand “Bongbong” Marcos Jr. kag Vice President Leni Robredo.
Si Marcos ang gin-endorso sang Partido Federal ng Pilipinas bilang presidential candidate sa 2022 national elections.
Kun basehan naman ang katapusan nga pahayag ni Robredo, handa siya nga mag-file sang iya certificate of candidacy para sa pagka-presidente kun siya ang pilion sang united opposition.
Suno kay Robredo, madugay na niya ini nga ginahandaan bangud mandato ini sa iya bilang vice-president nga handaan ang pagka-presidente kun hinali nga may matabo sa presidente kag kinahanglan nga buslan.
Una naman nga nagpahayag si Robredo nga handa siya nga atubangon si Marcos nga una na niya nga ginpierde sa 2016 vice presidential race.
