Handa si President Marcos nga mag-atubang sa imbestigaayon sa mga campaign donations nga nabaton niya halin sa public works contractors sang 2022 nga eleksyon.
May kaangtanan ini sa statement sang Philippine Center for Investigative Journalism (PCIJ) nga ang mga kontraktor nga may existing contracts sa gobyerno ang nagdonar para sa kampanya ni Marcos sang eleksyon.
Suno kay Presidential Communications Undersecretary Claire Castro, itugyan nila sa Commission on Elections ang pag-imbestigar.
Pahayag ni Castro, handa man si Marcos nga magsabat sa imbestigasyon sang Independent Commission for Infrastructure.
Nahibaluan nga base sa impormasyon, nagbaton si Marcos sang P20 million halin sa tycoon nga si Rodulfo Hilot Jr., tag-iya sang Zamboanga del Sur-based ngaRudhil Construction & Enterprises Inc.
Gin-report man nga nagdonar si Jonathan Quirante, tag-iya sang Cebu-based Quirante Construction Corp., sang P1 million para kay Marcos.
