ILOILO CITY- Natalana nga maghimo sang maragtas ang Luxembourg bilang pinakauna nga European country nga maga- legalize sang marijuana, kag sa subong, ginadihon na ang plano angot sa pagpahanugot sa pagpanag-iya ukon pagtanom sang marijuana para sa personal nga gamit.
Una na nga ginpaggwa sa publiko sang ministers of justice kag homeland security ang amo nga proposal.
Ini ang maga-require pa sang boto sa Parliament apang ginalauman nga mapasar.
Sa idalom sang marijuana measure,ang adults nga 18 anyos pataas ang edad ang mahimo magtanom sang apat ka puno sini.
Apang sa idalom sang non-commercial model nga ginaduso,ang pag-angkon sang masobra sa three grams sa publiko ang makabig gihapon nga civil offense nga maya nagakaigo nga multa.
Sa aspeto sang access, ang adults ang makabakal kag makabaligya sang cannabis seeds para sa ila home garden.
