ILOILO CITY – Ginahulat na lang sang Maritime Industry Authority Region 6 ang go signal sang Central Office may kaangtanan sa hingyo sang motorbanca operators nga ipaiway anay ang pagpatuman sang Domestic ship modernization program.
Ini nga lihok ang kasunod sang natabo nga Iloilo Strait Tragedy sang Agosto 2019 kun sa diin 31 ang ginbawi-an sang kabuhi.
Sa interview sang Bombo Radyo kay Maritime Industry Authority Region 6 Director Jose Venancio Vero, iya ginpahayag nga ang motorbanca modernization ang ipatuman na kun tani sa masunod nga bulan apang naghingyo ang motorbanca operators nga indi anay pag-ipatuman ang nasambit nga programa.
Suno kay Vero, atrasado ang delivery sang modernized motorbanca nga gin-order sang mga operator bangud sa COVID-19 pandemic.
Kun sang una suno kay Vero, may katig pa ang mga motorbanca nga nagabyahe Iloilo-Guimatas vice versa apang sa tion nga mapatuman na ang modernization program, mangin kasubong na sa fast craft ang sakayang-pandagat nga nagbyahe sa Iloilo Strait.
