MARINA Region 6, ginahulat pa ang sabat sang ila Central Office tuhoy sa temporaryo nga pagpaiway sang paggamit sang life jacket

ILOILO CITY- Ginahulat pa sang Maritime Industry Authority 6 ang desisyon sang central office tuhoy sa hingyo ni Guimaras Governor Samuel Gumarin nga temporaryo nga ipaiway ang paggamit sang life jacket sa mga pumpboat bangud sa Coronavirus Disease 2019 (COVID-19).

Sa interview sang Bombo Radyo kay Maritime Industry Authority Region 6 Director Jose Venancio Vero, iya ginpahayag nga tubtob subong, ginahulat pa nila ang sabat sang central office tuhoy sa paggamit sang lifevest.

Suno kay Vero, Dominggo sang hapon nagpakig-angot sa ila ang gobernador tuhoy sa pagamit sang lifevest.

Ginpahayag ni Vero nga kun mapatuman ang temporaryo nga pagdumili sa paggamit sang lifevest, igabutang lang ini sa higad sang pumpboat kag gamitun lang kun kinahanglanon