Ginkalipay sang Maritime Industry Authority Regional (MARINA) Office VI ang pagpirma ni President Ferdinand Marcos, Jr. sang magna carta para sa Filipino seafarers.
Sa interview sang Bombo Radyo kay Mr. Jeffrey Bangsa, Regional Director sang MARINA Regional Office 6, iya ginpahayag nga magabulig ini agud nga protektahan ang kinamatarong sang mga Filipino seafarers.
Suno kay Bangsa, labing-importante ini para sa mga seaman nga yara sa abroad, kon sa diin, mapasangkad ang ila proteksyon samtang sila ang on board.
Ginsaysay man sini nga mangin secure na ang posisyon sang isa ka Filipino seafarer sa international trade shipping.
Nagpanugyan man ini sa mga Pinoy nga seaman nga yara sa European Ship nga mangin kampante bangud yara ang international maritime organizations agud nga magprotekta sa ila.
