ILOILO CITY – Nagapanawagan sa publiko ang marine biologist nga tipunon ang dagami agud gamiton nga mangin improvised oil spill boom.
Sa interview sang Bombo Radyo kay Dr. Rex Sadaba, isa ka marine biologist kag anay program manager sang University of the Philippines-Visayas Oil Spill Response Program sang 2006, iya ginpahayag nga indi mahimo nga maghulat lang ang mga concerned agencies sa pag-abot sang spill boom sa syudad bangud kinahanglan na nga ma kontrol ang paglapta sang bunker fuel.
Suno kay Sadaba, mas maayo kuntani nga indi magtuman ka init ang panahon sa syudad bangud kun magtagiti ang init, mas maga-usbong ang baho sang bunker fuel.
Magluwas sa apekto sa ikaayong lawas, naga-apekto man ini sa palangabuhian sang tawo kag mismo sa palibot.
Naapektuhan man ang mangroves sa atubang sang power barge sang AC Energy Corporation .
Dugang pa sang natungdan, indi tuman ka toxic ang bunker fuel apang nagatinir ini sang madugay nga tinion ipaanggid sa gasolina nga tuman ka toxic apang madasig nga nagadula.
