Nangin parte pa ang aktres nga si Maris Racal sa bag-o nga version sang kanta nga “Kisapmata” nga ginpaguwa sang iya ex-boyfriend nga si Rico Blanco.
Ini nga kanta ang popular na nga daan sang ginpaguwa sang Rivermaya sang 1996 apang gin-release ang bag-o nga bersyon ni Rico sa nagkalain-lain nga music streaming platforms sang nagligad nga Hulyo 19.
Sa official visualizer nga gin-release sa YouTube channel sang singer-wongwriter, ginpasalamatan sini ang nangin kabahin sang music kag recording kun sa diin nalakip si Maris nga telecaster.
Ang Kisapmata amo ang ikaduha nga gin-release ni Rico halin sa upcoming album sini nga naga-unod sang solo artist versions sang iya “most loved creations.”
Nauna na ginpaguwa sang Oktubre 2023 ang isa pa ka single nga “You’ll Be Safe Here.”
Matandaan nga nangin unod sang mga topiko sanday Maris kag Rico halin sang ginkumpirma sang 26-anyos nga singer-actress sang Hulyo 12 nga bulagay na sila sang 51-anyos nga veteran singer.
Mayo 2021 sang nagsugod ang ila relasyon matapos ang ila kolaborasyon sa isa ka music single.
