Gindepensahan sang former actress-politician nga si Marjorie Barretto ang iya mga kabataan sa tunga sang kontrobersiya nila kag sang ila amay nga si Dennis Padilla.
Madugay na nasapubliko ang problema sa relasyon sang mag-amay, apang nagdugang ini sang ginkasal sang damlag lang si Claudia sa long-time boyfriend sini nga si Basti Lorenzo kun sa diin nag-reklamo si Dennis nga ginpakadto siya sa kasal indi bilang tatay kundi bilang guest.
Nagbilin man ini sang komento sa picture ni Julia nga nagasiling, ‘Kapal niyo.’
Suno kay Marjorie, mas nagalayo lang ang buot sang iya mga bata nga sanday Julia, Claudia, kag Leon sa ila amay bangud sa mga interview sini kun sa diin ginapangbuyagyag sini ang ila personal nga mga isyu.
Makasakit ini sa kabataan suno kay Marjorie ilabi na bangud gina-bash sila sa kada tion nga maghambal si Dennis.
“We have common friends that I always tell, ‘Tell Dennis, the sooner he stops agreeing to interviews, the faster the reconciliation will be,'” suno sa iloy.
Ginpanginwala man ni Marjorie nga gina-“brainwash” sini ang iya kabataan nga magpinsar sang malain sa ila amay; sa pagkamatuod suno sa iya, si Dennis ang nagahimo sini.
“Mula nung bata pa mga anak ko, bago kami maghiwalay, 18 years ago, tuwing hinihiram niya mga anak ko, para sa kaalaman ng lahat ng tao and as God is my witness, ako ang sinisiraan niya sa mga anak ko. Dennis, huwag mo ‘tong i-dedeny, ever, because ang lagi mong sinasabi tuwing susunduin [mo] mga anak ko, ‘Paglaki niyo, I will tell you what your mom did to me,'” pakigbahin sang aktres.
Ginbulgar man ni Marjorie nga wala man nagpakigbato si Dennis para sa joint custody sang ila kabataan. Siya man suno sa aktres ang nagsabat sa tanan nga finances sang ila kabataan sa 18 ka tuig nga separado sila bilang mga ginikanan.
Kabahin man sang ginsapubliko ni Marjorie amo nga physically abusive si Dennis kag siya man ang naga-trigger sang anxiety sang iya kabataan tubtub nga nagapalangurog sila kun mabatian ang iya tingog.
“Ang gusto ni Dennis, hindi relasyon sa mga anak niya. Ang gusto niya, atensyon,” pahayag pa ni Marjorie.
Ginpakigbahin man sini nga may tendency si Dennis nga pasobrahan ang iya mga pahayag — rason kun ngaa ang kabataan ang gina-bash sa social media.
Sa separado nga interview sa actor, ginsiling sini nga tapos na kag kapoy na siya sa pagkaayo sang ila nga naguba nga relasyon sa iya kabataan.
“Ayoko na, surrender na, I’m finished. Tatay na lang nila ako pero bringing back the relationship, wala na siguro. Maybe we can just [look back] at the memories, [but] that’s it. Finished,” pahayag sini.
“Tatanggalin ko na lahat [ng posts ko about them]. Mahirap lang kasi ang dami. Ngayon ko lang narealize that none of my children posted my picture on Instagram, not once,” dugang sini. “Ni wala akong picture sa kahit saang social media nila. Ne walang mention ng pangalan ko, nanay ko, tatay ko na artista din sa kanilang social media posts. As in zero. Why?”#
