LA PAZ, ILOILO CITY – Nagsabat ang pamunuan sa La Paz Public Market matapos ginpa-Bombo ang barado nga tubo kag drainage system sa merkado.

Sa interview sang Bombo Radyo kay Edvilla Gerasmia, Market in Charge, iya ginpahayag nga indi malikawan nga magbara ang tubo sa merkado bangud naga-sebo ang mga ini ilabi na sa mga baligyaan sang pagkaon kag batchoy.

Suno kay Gerasmia, nagpadulong na ang City Engineer’s Office sa merkado kag ginpangsulsog ang barado nga tubo.

Ginpahayag sang natungdan nga ang tubo nga ginpahamtang sa merkado ang ginsunod lang sa plano sang ginpatukod ang temporaryo nga mga stalls.

Nagpasalig man si Gerasmia nga indi na masulit ang natabo kag nagpangayo man sang paghangop sa mga vendors.

Nahibaluan nga sa subong, ginapaidalom sa rehabilition ang La Paz Public Market.