ILOILO CITY – Nagapang-alang-alang ang market vendors sa Iloilo Central Market sa mahimo matabo sa ila mga pwesto sa tion nga kaayuhon na ang merkado.
Sa interview sang Bombo Radyo kay Mr. Rex Donasco, Presidente sang Association of Stall Owners and Transient Vendors, iya ginpahayag nga kun tani, may yara sang partisipasyon ang market vendors sa pagbalay sang Terms of Reference,
Suno kay Donasco, sila ang nagatinir sa merkado, gani sila ang mas nakahibalo sang mas maayo nga mga rekomendasyon.
Ginpahayag ni Donasco nga matuod nga nagpatigayon sang konsultasyon ang mga katapo sang Public Private Partnership Council sang Miyerkules apang nagalaum sila nga may yara pa sang konsultasyon.
Nagakadapat man suno sa natingdan nga may yara sang feasibility study antes umpisahan ang nasambit nga proyekto.
Nahibaluan nga ang una nga plano sang nagligad nga administrasyon sa pag-privatize sang mga merkado ang ginpamatukan man sang Iloilo Central Market Association of Stall Owners and Transient Vendors bangud sa kakulang sa konsultasyon
