Magabalik sa Pilipinas ang American pop rock band nga Maroon 5 sa masunod nga tuig.
Suno sa promoter nga Live Nation Asia, live nga maga-perform ang banda sa pagpanguna ni Adam Levine sa Mall of Asia Arena sa Enero 29, 2025.
Kabahin ang one-night show sa ila 2025 Asia tour nga may yara man sang pitstops sa Japan, Indonesia, Kuala Lumpur, Thailand kag Taiwan.
Natalana pa nga ipaguwa ang iban nga impormasyon kaangay sang seat plan kag ticketing details.
Ini na ang ikaapat nga concert sang Maroon 5 sa Pilipinas. Nakakadto sila diri sang 2015, 2019, kag katapusan nga naka-perform sang 2022 bilang parte sang ila world tour.
Magluwas kay Levine, yara sanday Jesse Carmichael, James Valentine, PJ Morton, Matt Flynn, Sam Farrar, Mickey Madden, kag Ryan Dusick sa banda. Gintukod ini sang 1994 kag kilala sa ila hit songs nga “Moves Like Jagger,” “She Will Be Loved,”, “Payphone,” kag iban pa.
