Agaw atensyon sa social media ang pinasahi nga marriage proposal sang lalaki nga si William Hunn para sa iya kahagugma nga si Brittney Miller sa Atlanta, Georgia.
Ini bangud agud makapili ang iya nobya, indi lang isa kundi lima ka engagement rings ang ginhanda ni Hunn para sa babaye nga luyag niya makaupod sa bug-os niya nga kabuhi.
Tuman naman ang kakibot sang babaye bangud matapos nagluhod ang lalaki kag ginbuy-an ang mga tinaga nga “will you marry me?” halos indi naman siya makapili sang singsing nga pagasuksukon kasunod sang iya pagsabat sang iya matam-is nga ‘HUO’.
Magluwas diri, nangin mas enggrande pa ang proposal bangud may helicopter pa nga nagahulat sa magkahagugma sa rooftop kun sa diin natigayon ang wedding proposal.
