Gintuad sang singer nga si Martin Nievera nga nadiskubre sang isa ka wrestling coach ang iya talent sa pagkanta samtang nagapaligo ini sa shower room.
Suno kay Martin, naligo siya sa shower sang locker room matapos ang isa ka basketball game kag samtang naga-shower, naga-enjoy ini sa reverb echo.
Pahayag niya, ang ambahanon nga “Feelings” ni Morris Albert ang iya ginakanta sang nabatian siya sang wrestling coach nga naglabay lang sa lugar.
Didto ini ginhambalan sang coach nga, ‘Hey, I want you to audition tomorrow for the choir.'”
Nangin miyembro gid man ini sang choir.
Sang 1981, nag-intra si Martin sa isa ka California-wide talent search nga may 4,000 contestants kag siya ang nagdaug.
Didto na narealisar ni Martin nga luyag niya nga mangin isa ka singer kag sa Pilipinas niya gusto mag-umpisa sang career.
Sa subong, 42 ka tuig na sa industriya si Nievera nga amo ang ginhatagan sang bansag nga Concert King sang Pilipinas.
