Ginpaguwa na halin sa Correctional Institution for Women sa Mandaluyong City si Mary Jane Veloso, kagab-i, Setyembre 25.
Ini matapos ginhatagan na sya sang absolute pardon ni Pres. Bongbong Marcos matapos ang pila sini ka-tuig nga pagkapreso sa Indonesia kun sa diin nangin kabahin pa sya sang death row ukon mga indibidwal nga pagasentensyahan sang kamatayun.
Apang bangud sa request ni late President Noynoy Aquino kay former Indonesian president Joko Widodo, wala natigayon ang nasambit nga sentensya kay Veloso.
Sang Disyembre 2024, ginsaylo na sa Pilipinas ang akusado matapos ginpahanugutan sang Indonesian authorities nga ipaidalom sa kustodiya sang Pilipinas si Veloso kun sa diin nagpabilin man ini sa sulod sang presohan.
Sa bulig sang National Union of People’s Lawyers kag sang pila man ka mga grupo, nangin hilway na si Veloso matapos ang halos 16 ka tuig.
