Nadesisyonan ni Iloilo City Mayor Jerry Treñas nga mas istriktuhon pa ang protocols sa syudad sa sulod sang isa ka semana kasunod sang mataas nga kaso sa Metro Manila.
Suno kay Mayor Treñas, nagakadapat nga wala sang social gatherings; ang mga opisina sang Business Process Outsourcing (BPO) companies ang kinahanglan nga yara lang sa 30% capacity ; ang iban ang mahimo nga maka-work from home magluwas lang sa mga engineers kag architects sang Iloilo City Engineer’s Office, Accounting para sa vouchers kag payroll, kag City Treasurer’s Office para sa koleksyon.
Ginadumilian man ang mga barangay nga maghiwat sang pagtililipon sa barangay gyms.
Ginmanduan naman sang alkalde ang mga Barangay Health Emergency Response Team (BHERTs) nga doblehon ang pagpanikasog sa pagmonitor sa tanan nga may yara sang flu-like symptoms kag sa mga new arrival.
Obligado ang mga BHERTs nga magreport sa Iloilo City Covid-19 Emergency Operations Center.
Ang construction ang ginakonsidera nga essential kag ginapahanugutan apang kinahanglan nga masunod ang mga protocols sang Department of Public Works and Highways kag sa kondisyon nga may yara dapat sang compliance officers.
Ginadumilian man ang parada kag prusisyon.
