Posible nga ibalik ni Presidente Rodrigo Duterte ang pagpatuman sang mas-istrikto nga restrictions matapos ginkumpirma sang Department of Health nga may yara na sang local cases sang Delta variant sa pungsod.
Gin-isyu sang presidente ang nasambit nga paandam sa iya Talk to the People sa diin ang pungsod ang nakarekord na sang 35 ka mga Delta variant cases sa diin 11 diri ang local cases.
Suno kay Duterte, sa mga narekord nga kaso, makabig na ini nga seryoso kag makaalarma.
Kinahanglan pahayag niya nga magpatuman sang mas istrikto nga restrictions agud malikawan ang mass gatherings kag amo man ang mga super spreader event.
Mangin ang iban nga Asian countries kaangay sang Indonesia pahayag sang presidente ang ginpaidalom na sa mas istrikto nga pagsulundan tuga sang Delta variant.
Ginmanduan sang presidente ang Department of the Interior and Local Government (DILG) nga siguruhon nga ginapatuman sang maayo ang mga naga-eksister nga restrictions.
Liwat man nga nagpanawagan si Duterte sa publiko nga magpabakuna batuk sa COVID-19.
Ang mga wala nagapati sa bakuna dugang pa niya ang dapat nga magtinir na lang sa sulod sang balay.
