ILOILO CITY– Mangin mabug-at ang paga-atubangon nga silot sang dugang nga violators nga naglapas sa General Bar Guidelines ukon ang Executive Order 46 may kaangtanan sa pagdula sang Liquor Ban sa syudad sang Iloilo.
Sa interview sang Bombo Radyo kay Mr. Nestor Canong, pinuno sang Task Force on Moral and Values Formation, iya ginpahayag nga gina-istoryahan na sang composite team ang mangin pinal nga rekomendasyon nga ila igapasa kay Iloilo City Mayor Jerry Treñas.
Si Treñas na lang suno kay Canong ang magabasa sang lista sang mga bar nga naglapas sa EO 46 bangud indi niya luyag nga pangunahan ang alkalde.
Mas mabug-at naman suno kay Canong ang mangin pamatbat sa ginapahayag pito ka commercial establishments nga nadakpan nga naga-operate apisar wala sang business permit.
Samtang, isa pa lang sa siyam ka mga establishments nga kabahin sang una nga hugnat sang violators ang nakapasa sang Affidavit of Undertaking sa Business Permits and Licensing Office.
