ILOILO CITY – Ang masakit nga eksperyensya sa kabuhi ang nangin rason sang isa ka blood galloner sa pagpakigbahin sa Dugong Bombo.
Sa interview sang Bombo Radyo kay Arlene Peñol, iya ginpahayag nga sang 1975, napatay ang iya amay bangud sa kakulang sang dugo.
Kasubong man ang natabo sa bana ni Peñol nga napatay sang 1986 matapos nabun-an kag nagkinahanglan sang blood transfusion.
Bangud nga maiwat ang supply sang dugo suno kay Peñol, ginbawi-an sang kabuhi ang iya duha ka himata.
Ang masakit nga eksperyensya ang indi na niya luyag pa nga maagyan sang iban rason nga humalin sang 2008, nagadonar na siya sang dugo paagi sa Dugong Bombo.
