Maskne, mainit, mabalhas, amu na ang gakaeksperyensyahan sang mga Pilipino bangud sa adlaw adlaw nga pagsuksuk sang facemask.
Mabudlay pa gid kun magkaon bangud indi malikawasn nga mauyatan ang gamit na nga facemask.
Gusto mo bala sang easy way out?
Gusto mo bala nga kun magkaon ka indi mo na kinahanglan nga kuhaon ang imo facemask?
May sabat dira ang South Korea.
Sa nasambit nga pungsod, may yara sang ginabaligya nga ila gintawag nga “kosk”, bag-o nga sahi sang South Korean face mask nga ang ilong lang ang ginatakpan.
Ang ‘kosk” ang combination sa ‘ko’ Korean word para sa nose ukon ilong kag ‘mask’.
Ang amu nga kosk ang ginabligya sang Atman company sa diin ini ang may duha ka parts sa diin ang sa dalom nga bahin ang mahimo nga makakas agud nga ma-expose ang baba kun magkaon.
Ang Kosk ang mabakal lamang sa South Korea kag nakabaton naman ini sang madamo nga pagpakamalaut halin Western world.
Madamo na ang mga komento nga ini “strange idea” kag “next level of stupidity” nga invention bangud ila ini ginkabig nga useless accessory batuk sa COVID-19.
Apang, ang kosk ang may yara sang 5-star rating halin sa 118 reviews sa South Korean store sa diin ang pack sang 10 masks ang nagabalor sang 9,800 won ($8.20).
