Naglab-ot sa masobra 1 metric tons sang fresh durian kag mangosteen ang napadala sang Pilipinas sa pungsod Canada.
Ini ang kabahin sang pagninguha sang Department of Agriculture nga mapasakangkad pa ang local products paagi sa agricultural trade.
Lakip sa una nga shipment pakadto sa Vancouver amo ang 300 ka kilo nga durian kag 120 ka kilo nga mangosteen.
Samtang, may isa pa ka batch nga ipadala naman sa Toronto.
Suno kay Agriculture Secretary Francisco Tiu Laurel Jr., ini nga tikang may tinutuyo nga mapadaku ang kita sang mga mangunguma kag masuportahan ang ila nga Negosyo sa agrikultura.
Sa matandaan nga una na nga nagpadala ang Pilipinas subong man nga bulan sang Setyembre sang 1 metric tons nga fresh Carabao mangoes sa Canada.
