Naka-record ang Philippine Institute of Volcanology and Seismology (Phivolcs) sang masobra 100 ka aftershocks matapos ang magnitude 6.9 nga linog sa Bogo, Cebu.
Base ini sa bulletin nga ginpaguwa alas 4 kaina sang kaagahon.
Ang una nga mga mabaskog nga aftershocks narehistro sang 10:24 p.m. (magnitude 5.0) kag 10:33 p.m. (magnitude 5.1), nga pareho nga malapit sa Bogo City.
Isa pa ka linog nga may kusog nga magnitude 3.8 ang natabo sa Tabogon sang 10:39 p.m.
Dugang diri, sang tungang gab-i na, may magnitude 4.4 nga natabo sang 11:59 p.m. kag isa pa nga mas mabaskog nga magnitude 4.9 sang 12:34 a.m. sang sini na nga Oktubre 1.
May mga gamay man nga aftershocks nga narehistro sunod-sunod, nga may kusog halin sa magnitude 1.5 tubtob 3.8, kag kadalumon sang linog nagasugod sa duha ka kilometro tubtob 80 ka kilometro.
Base sa latest report sang Cebu Provincial Information Office, masobra na sa 20 ka mga tawo ang napatay bangud sa amo nga trahedya.#
Photo: Rowena Capistrano
