Masobra pa sa 100 ka mga kabataan ang nagapabilin nga missing matapos naglupok ang Mount Nyiragongo sa Democratic Republic of Congo sang weekend.
Suno sa report sang United Nations Children’s Emergency Fund ukon Unicef, masobra 150 ka kabataan ang naseparar sa ila nga mga pamilya bangud sang naglupok ang bulkan, nagpanic ang mga tawo rason nga gintipon sang linibo ka mga pumuluyo ang ila nga mga gamit kag nag-evacuate sa Goma City.
Ang iban nga mga kabataan nga nalagyo ang nagkaladula apang ang iban sa ila ang yara subong nagatinir sa center nga ginapadalagan sang Red Cross sa Goma.
Ang Red Cross workers kag government officials ang nagabuligay agud magkilit-anay ang magpamilya.
Suno kay Unicef chief field officer in Goma Jean Metenier, 360 na ka mga kabataan ang ila natigayon nga mapabalik sa ila nga ginikanan.
Santo naman sa report sang otoridad, 31 na ang kumpirmado nga patay bangud sa paglupok sang bulkan apang ginapaabot nga magasaka pa ang death toll bangud may mga ginapangita pa ang mga first responders. –BBC
