ILOILO CITY – Nag-evacuate ang 139 ka pamilya sa siyudad sang Iloilo bangud sang wala untat nga pagbubo sang ulan.
Santu sa data sang City Disaster Risk Reduction and Management Office (CDRRMO), pinakadamo sa mga nag-evacuate ang gikan sa Jaro district nga nagalab-ot sa 93 ka pamilya.
Suno sa CDRRMO, nahatagan naman sang relief packs ang mga apektado nga pamilya.
Ang iban nga lugar nga indi masulod sang salakyan ang gingamitan sang trucks sang bombero agud madul-ungan sang relief supplies.
Nagapabilin ang mga evacuees sa mga barangay halls kag buluthuan nga nagaserbe nga evacuation centers.
Nastranded naman ang madamo nga pasahero rason nga nag-deploy ang CDRRMO sang salakyan nga sakyan sang stranded nga mga communiters.
Temprano man nga ginpapuli ang mga empleyado sang Iloilo City Police Office
Una na ginmando ni Iloilo City Acting Mayor Jose Espinosa III, ang pagsuspinde sang klase sa tanan nga level sa pribado kag pampubliko nga mga buluthuan sa siyudad sang Iloilo bangud sa ulan kag baha.