Naglab-ot na sa 1,189 overseas Filipino workers (OFWs) ang naghingyo sang repatriation halin sa mga pungsod sa Middle East base sa datos sang Overseas Workers Welfare Administration (OWWA) bangud sa nagapadayun nga gyera sang Iran, Israel, kag Unites States of America kun sa diin apektado ang mga kaingud sini nga mga lugar.
Ginpakigbahin ni OWWA administrator Patricia Yvonne Caunan nga sa pungsod sang Bahrain, yara sa 278 OFWs ang luyag na nga magpauli sa Pilipinas, 46 sa Israel, 62 halin sa Kuwait, 213 sa Dubai, 246 sa Abu Dhabi, 173 sa Qatar, kag lima naman sa Lebanon.
Suno kay Caunan, ginhatagan sang ahensya sang temporary accommodation ang 297 OFWs, samtang magapreparar naman sila sang land transportation para sa 171 ka mga Pilipino sa Middle East.
Naglab-ot naman sa 134 workers ang naghalin sa Visayas kag Mindanao ang nahatagan sang assistance sang ahensya para sa ila domestic flights agud magbalik na sa ila tagsa ka mga probinsya.
Padayun man ang paghatag sang bulig sang OWWA sa mga OFWs nga luyag na nga magpauli sa Pilipinas kag amo man sa mga nagakinahanglan sang iban pa nga bulig halin sa gobyerno.
 ang naghingyo sang repatriation halin sa mga pungsod sa Middle East base sa datos sang Overseas Workers Welfare Administration (OWWA) bangud sa nagapadayun nga gyera sang Iran, Israel, kag Unites States of America kun sa diin apektado ang mga kaingud sini nga mga lugar){kind=link}