Masobra 122,000 nga mga inmates ang ginhatagan sang temporaryo nga kahilwayan humalin sang Marso 2020 bilang kabahin sang pagpugong sa paglapta sang COVID-19 sa mga decongested nga mga presohan.
Suno kay Chief Justice Diosdado Peralta, 122,178 nga mga persons deprived of liberty (PDLs) ang ginrelease humalin sang Marso 17, 2020 tubtob Pebrero 11, 2021, samtang 192,444 videoconferencing hearings naman ang natigayon humalin sang Mayo 4, 2020 tubtob Pebrero 5, 2021.
Ginapahanugutan man sang Supreme Court ang electronic nga pagfile sang kaso, applications para sa pagpiyansa kag transmisson sang release orders bangud sa public health emergency.
Dugang pa ni Peralta, ang pagpanubo sang piyansa ang posible man para sa mga indigent ukon pigado nga mga detainees.
