ILOILO CITY – Nadugangan pa ang numero sang trabaho nga ginatanyag sang Department of Labor and Employment (DOLE) sa patigayunon nga Independence Day job fair.
Humalin sa 88,000, nagdangat na sa 135,756 ka mga trabaho sa job fair sa Hunyo 12 kun sa diin, ang pinakadamo nga ginatanyag amo ang trabaho sa business process outsourcing (BPO), construction kag manufacturing.
Sa mga job vacancy, 107,582 ka trabaho ang para sa sulod sang pungsod samtang 27,981 ang para sa iban nga pungsod kun sa diinm ang in-demand amo ang mga gusto nga magtrabaho bilang nurse, kabulig sa balay, construction worker, cleaner kag waiter.
Ang iban nga rehiyon ang may yara sang online application apang suno sa DOLE, mas mahapos nga makasulod sa trabaho kun mag-apply sang face-to-face.
