Masobra 20 ka mga pulis nagpabakuna sang anti-rabies matapos nagtaliwan ang upod nga pulis sa rabies

ILOILO CITY – Nagpabakuna na ang 21 ka mga pulis nga kaupdanan sa serbisyo sang nagtaliwan nga si PO2 Benjamin Salomeo, 31, sang Dao, Capiz apang assigned sa Police Community Relations sang Jaro Police Station sa siyudad sang Iloilo.
Si Salomeo ang ginbawian sang kabuhi bangud sang encephalitis.
Ini matapos nagpanaog sa iya utok ang rabies nga nakuha sini sa kagat sang ido halos 20 ka tuig na ang nakaligad.
Ginpahayag sa Bombo Radyo Iloilo ni Dr. Bernard Caspe, Iloilo City health officer, makalalaton ang rabies rason nga ang mga may physical contact kay Salomeo ang dapat magpa-injection sang anti-rabies.
Ginmando naman ni Caspe sa mga rabies coordinator sang City Health Office nga tumuron ang mga tawo nga may physical contact kay Salomeo agud mabakunahan sang anti-rabies.