Masobra sa 40 ka mga indibidwal ang ginapangita subong matapos maglugdang ang isa ka sakayan pandagat nga may sakay nga 50 ka mga pasahero sa Sokoto State, northwest sang Nigeria,
Ini ang gin-anunsyo sang National Emergency Management Agency (NEMA).
Ang mga pasahero ang nagabiyahe padulong sa Goronyo Market, isa sa mga kilala nga merkado sang pagkaon sa nasambit nga estado, sang nagluntad ang trahedya.
Suno kay Zubaidar Umar, head sang NEMA, 10 ka mga tawo na ang na-rescue samtang ang iban padayon pa nga ginapangita.
Ginpahayag man sang ahensya nga yara na sila subong sa koordinasyon upod sa mga lokal nga otoridad kag emergency responders para sa padayon nga search and rescue operations.
Matandaan nga indi man magnubo sa 13 ka mga tawo kag madamo ang missing matapos nga naglugdang ang barko nga nagadala sang ginabanta 100 ka pasahero sa Niger State sa north-central Nigeria, tatlo ka semana ang nakaligad.
