ILOILO CITY – Nagapangayo sang bulig sang masobra 4,000 ka mga pumuluyo sang Tanza Baybay, Iloilo City Proper matapos gin lockdown ang ila lugar.
Sa interview sang Bombo Radyo kay Punong Barangay Dominador Deocampo, iya ginpahayag nga may apat sila ka mga residente nga nagpostibo sa Coronavirus disease 2019 (COVID-19).
Suno kay Deocampo, ang nasambit nga mga residente ang naka close contact sa senior citizen nga nagatrabaho sa Iloilo Fish Port Complex kag nagtaliwan bangud sa COVID-19.
Ginpahayag ni Deocampo nga nabudlayan ang ila mga residente bangud wala sila naka preparar sa lockdown.
