ILOILO CITY – Ginpadangat sa ospital ang masobra 50 ka mga estudyante kag manunudlo nga ginapahayag nabiktima sang food poisoning sa banwa sang Dumangas, Iloilo.
Sa impormasyon nga nakuha sang Bombo Radyo gikan sa Dumangas Police Station, gikan ang mga biktima sa banwa sang San Dionisio.
Lakip sa mga biktima ang 46 ka mga estudyante kag walo ka manunudlo.
Nagtambong ang mga ini sa “Barkada Kontra Droga” nga isa ka anti-drug symposium sa Dumangas National High School.
Matapos magkaon sang pagkaon nga ginserbe sang caterer nga si Joel Dionela, nagbatyag ang mga kabataan sang pagpalanakit sang tiyan kag LBM.
Ginpadangat ang mga biktima sa Ramon Duremdez District Hospital sa banwa sang Dumangas, Iloilo.