Naglab-ot sa 51 ka mga tawo ang napatay sa lapnagon nga pag-ulan kag baha sa central Vietnam.
Bangud sa pila ka adlaw nga pag-ulan, lubog ang masobra 52,000 ka mga kabalayan kun sa diin ma na-report nga siyam ka tawo ang na-missing.
Masobra tunga sa milyon ka mga kabalayan kag establishimento ang nadulaan man sang suplay sang kuryente.
Halin pa sang Enero tubtob Oktubre, naglab-ot na sa masobra $2 billion ang halit nga gintuga sang mga mabaskog nga bagyo nga nag-agi sa nasambit nga pungsod.
