Masobra 50 ka mga tawo ang nasamaran matapos ang malala nga pagsigabong nga natabo sa isa ka mosque sa Kelapa Gading, Jakarta, Indonesia.
Suno sa mga otoridad, ang mga biktima nakaangkon sang pilas, lakip na ang mga paso, matapos ang insidente nga natabo sa sulod sang eskwelahan nga amo ang ginatindogan sang nasambit nga mosque.
Ginpahayag ni Deputy House Speaker Sufmi Dasco Ahmad nga ang ginatudlo nga suspek amo ang isa ka 17-anyos nga estudyante.
Suno pa sa iya, ginpaidalom na ini sa operasyon, apang wala pa ginahatag ang dugang nga detalye kag posible nga motibo sang pagsigabong.
Padayon pa subong ang imbestigasyon sang mga otoridad agud matukiban ang matuod nga rason kag kun may yara pa sang iban nga kaupod ang ginatudlo nga suspek.
